CAGAYAN DE ORO CITY – Maka-diskorahe sa mga ordinaryong bank depositor ang balaod nga nag-obligar kanila nga mobayad sa buhis gikan sa madawat nila nga interes sa ilang kinitaan o hinaguan nga gi-deposito sa bangko.
Kini taliwala nga paagi sa gobierno nga makakita sa laing tinubdan sa salapi aron mapondohan ang nagkadako nga panginahanglang-pinansyal sa nasudnong-panudlunan nga walay aktuwal nga gasulod naglisod ang estado.
Gibutyag sa respetado ug ilado nga certified public accountant nga si Raymundo Talimio Jr kinsa kanhi chairman sa MSMEs Misamis Oriental-Cagayan de Oro Development Council nga nakasabot sila sa katutyuan sa gobierno nganong gibuhat nila kini apan dili kalikayan nga makawala’g gana ang pag-deposito sa bangko kay hinaguan sa katawhan ang kuhaon gikan kanila.
Siya miingon nga dili na hinoon ang balaod apan wala na’y laing nakit-an nga paagi ang kagamhanan gawas sa pagpatumang patas sa pagbuhis sa bank interest sa depositors.
Sa unang mga tuig sa balaod, time deposit accounts lang ang gipahamtangan sa 20 percent withholding tax apan sa paglisod pagsamot sa kagamhanan,giapil na ang common bank depositors.
Hisayrang miani sa nagkadaiyang hait nga reaksyon gikan sa katawhan ang gihimo sa gobierno.
