CAGAYAN DE ORO CITY-Nasikop sa PDEA-10 ug PNP dihang gipatuman sa search warrant ang suspected pusher nga nakabase sa Purok 4,Brgy Mobod, Oroqueita City,Misamis Occidental.
Giila ni PDEA regional director Wilkins Villanueva ang suspek nga si Iluminado Nuñez Seguisa alyas Loloy, 60 anyos ug nagpuyo sa maong lugar.
Miingon si Villanueva nga nakompiskar gikan sa suspek ang 30 gramos nga suspected shabu diin nagbalor sa 204 mil pesos.
Nakuha usab ang pink plastic container with white cover,passbook ug celhone.
Temporaryong detinado sa mini-cell sa Oroqueita City PNP ang suspek samtang ipasaka ang kasong paghupot ug pagbaligya’g ilegal nga droga sa piskalya ning adlawa.
