CAGAYAN DE ORO CITY – Nakompiskar sa PDEA 10 ang sobra 22 million pesos nga illegal drugs nga naglakip sa suspected shabu ug marijuana sa halos usa ka tuig nila nga mga operasyon sa Northern Mindanao.
Kini subay sa datos nga gilugwa sa ahensiya nunot sa patapos na nga tuig 2024.
Gibutyag ni PDEA 10 regional director Atty. Benjamin Gaspi nga sa maong mga operasyon, anaa sa sobra 3-mil gramos sa shabu nga balor 20.6 million pesos ang nabawi samtang halos 2 million pesos nga kantidad usab sa mga dahon sa marijuana ang nabawi sa ilang mga operatiba.
Siya miingon nga 250 ka tawo usab ang nakasuhan ug kasamtangang nabilanggo tungod sa pagsupak sa Comprehensive Dangerous Drugs Act of 2002.
