CAGAYAN DE ORO CITY – Gipanganti ni Police Regional Office 10 Director Brig Gen Ricardo Layug Jr nga gukdon pa ang mga personalidad nga utok sa pagpakuyanap sa illegal nga droga dinhi sa rehiyon.
Gihimo sa heneral ang pahayag nunot sa pagkabawi sa halos 24 milyones pesos nga balor sa gitoohang shabu ug marijuana sa ilang kapin 700 usab ka anti-illegal drugs operations palibot sa rehiyon.
Miingon si Layug nga hangtod nga dunay higayon,lusubon nila ang mga lokasyon diin nagtago ang mga sakop sa sindikato sa ilegal nga droga.
Hisayrang anaa sa halos libo ka suspected drug pushers ug users ang ilang nadakpan diin 650 niini ang dunay mga kaso sa korte sukad gilusad ang anti-illegal drugs operations.
