CAGAYAN DE ORO CITY-Gikatingala karon sa kapolisan kon nganong na-withdraw sa usa ka lalaki ang balor 24-mil pesos nga gipadala sa babayeng menor de edad nga giagi sa Palawan Express,Pera Padala gikan sa Dangcagan,Bukidnon.
Kini human lahi nga tawo ang gipadal-an sa biktima nga si Krysha Myle Galero,17 anyos sa maong kantidad sa salapi.
Miingon si SPO1 Demetrio Cajes sa Dangcagan Police Station nga usa ka Mark Lester Calipano ang mi-withdraw sa laing branch sa maong kompanya didto sa Cebu City.
Kini ang hinungdan nga nangayo’g kopya sa CCTV ug dokumento ang kapolisan aron ma-establisar kon wala ba’y inside job sa maong kremin.
