MANILA – Dawaton na ning adlawa sa tanang health care workers nga wala pa makakuha sa ilang health emergency allowance o HEA nga dugay nga nahikaw kanila dihang naigo sa COVID-19 pandemic ang nasud.
Kini subay sa kamanduan ni Pres Bongbong Marcos hinungdang gilayong gi-aprobahan ug gipa-release ni Dept of Budget and Management Secretary Amenah Pangandaman ang pending nga HEA funding balor 27 bilyones pesos alang sa healthcare workers nga frontliners panahon sa pandemya.
Pinasikad sa gilugwa ni Pangandaman nga Special Allotment Release Order o SARO ug Notice of Cash Allocation o NCA,matubag na ang dugay’ng gipangayo sa health care frontliners nga sobra 5 milyones pesos alang kanila ug laing 4-mil 283 ka claims sa sickness and death compensation.
Nagsumikad ang maong hukom ni Marcos ug Pangandaman sa pagdungog sa senado ning tuiga diin gisugyot sa Dept of Health nga maapil kini sa national expenditure program o NEP sa tuig 2025.
Napasayo ang paglugwa sa pondo imbis nga sunod tuig pa kay gusto sa presidente nga dili na maput-an ang kalangan ug pag-antos sa health frontliners nga human na nakig-away sa pandemya apan gilanganlangan ang ilang gamay’ng mga benepisyo alang kanila.
