CAGAYAN DE ORO CITY – Nakatala na sa halos 29 bilyon pesos nga economic losses ang rehiyon sa Amihang Mindanao.Kini epekto sa paghuyang sa ekonomiya nga dala sa pandemya sa coronavirius disease.
Gibutyag ni NEDA 10 regional director Myla Cariño nga kini nga pagkalugi ang natala sukad sa buwan sa Marso hangtod Hulyo ning tuiga.
Gani,miingon si Cariño nga kon magpabiling wala pa gihapo’y bakuna batok bayrus masinatian nila ang halos 50 bilyones pesos nga alkanse sa rehiyon sulod ning tuiga.
Una na usab nga gikompirmar sa NEDA nga libuang mga trabahante ang nawad-an sa trabaho sukad nagsugod ang pandemya sa nasud.
