CAGAYAN DE ORO CITY – Nasignit sa mga otoridad pinaagi sa checkpoint operation ang balor 3.1 milyones pesos nga gitoohang smuggled cigarettes sa Brgy Dalwangan,Malaybalay City,Bukidnon.
Matud sa impormsayon nga gilugwa sa buhatan ni Police Regional Office 10 Director Brig Gen Jaysen De Guzman nga maoy naharang sa ilang mga sakop ang truck van nga kargado sa klase-klaseng sigarilyo gipalusot sa tulo ka mga dinakpang responsable.
Kini gilakipan nila ni JB,30 anyos,taga- Cagayan de Oro City;Jim-Jim,51 anyos ug Berto,46 anyos nga pulos taga-El Salvador City,Misamis Oriental.
Namahayag si De Guzman nga gihan-ay pa ang pagduso’g kaso batok sa mga dinakpan.
Samtang gitugyan sa arresting unit ang mga kontrabando ngadto sa Bureau of Customs nga nakabase sa Tagoloan,Misamis Oriental.
