CAGAYAN DE ORO CITY – Nakompiskar sa managlahi nga operasyon sa puwersa sa Police Regional Office 10 ang 3.2 milyones pesos nga ilegal nga droga palibot sa Northern Mindanao region.
Miingon si PRO 10 spokesperson Police Maj Joann Navarro nga epekto kini sa walay hunong nga anti-ilegal drugs operations sa lower units sugod petsa 4 hangtod 10 sa Enero ning tuiga.
Gibutyag ni Navarro nga sa maong balor sa gitoohang shabu,anaa usab sa 54 ka suspected drug personalities ang nadakpan ug nakasuhan tungod sa kasupakan sa balaod.
Una nang nanganti si PNP chief Gen Benjamin Acorda Jr nga walay hunong ang paggukod sa mga sindikato nga utok sa pagsabwag sa ilegal nga droga bisan kon kini protektado pa sa pipila ka police officials nga naglihok sa matag-rehiyon sa nasud.
