CAGAYAN DE ORO CITY-Gikompirmar sa Philippine Drugs Enforcement Agency o PDEA nga gikan sa New Bilibid Prison ang tunga sa kilo nga suspected shabu nga nakompiskar gikan sa Wildflower St., Purok Mabuhay, Sitio Bucayo, Brgy. Tubod, Iligan City.
Kini human milampos ang tulo ka regional offices sa PDEA inabagan sa kapolisan ug militar sa pagsikop sa Lanao del Sur provincial board member ug Marawi City councilor sa hiniusang operasyon sa maong lugar
kagahapong adlawa.
Gibutyag ni PDEA-Autonomous Region in Muslim Mindanao regional director Juvenal Azurin nga nakompiskar gikan ni board member Hussein Magandia,Marawi City Councilor Amienquailed Dimal ang balor 3.4 milyon pesos nga shabu.
Naaresto usab ang kapikas ni Magandia nga si Norhaima ingon man anak nila nga si Aktar kinsa kanhi brgy kapitan
sa Brgy Maguing Proper sa Lanao del Sur.
Nakompiskar usab gikan sa mga suspek ang kalibre 38 nga armas,bank books ug ubang ebedensiya dihang gipatuman ang search warrant gikan sa korte kagahapon sa kadlawon.
Samtang kasuhan ning adlawa sa piskalya ang upat ka sakop sa Magandia Drug Snydicate nga unang nasikop sa joint search operations sa PDEA,militar ug kapolisan sa Iligan City.
Miingon si Azurin nga gawas sa illegal drug case,gitun-an pa usab nila ang ubang kasupakan sa mga suspek aron isang-at gihapon sa korte sa Iligan City.
Una usab niini,namugos si Norhaima Magandia nga dili ila ang druga nga nakuha sa mga otoridad kay nagbaton sila sa daghang mga negosyo sa Iligan City.
Samtang daw gi-binaboy pagkasaba ni City Mayor Celso Regencia ang pamilyang Magandia nga nasikop sa mga otoridad gumikan pagpayuhot sa ilegal nga droga sa Iligan City.
Kini human nakomspikar sa PDEA,AFP ug PNP ang tunga sa kilo sa gitoohang shabu balor kapi’g 3 milyon pesos sa mga suspek.
Miingon si Regencia nga hayan mabutang sa peligro ang kinabuhi sa mga kabanay nila ni Lanao del Sur board member Hussein Magandia ug Dimal kon subli buhaton ang pagdala’g ilegal nga droga sa Iligan City.
