CAGAYAN DE ORO CITY – Nadakpan sa gilusad nga Simultaneous Anti-Criminality Law Enforcement Operations (SACLEO) ang 189 ka tawo nga nabawian sa gidiling droga nga adunay kostar nga sobra 3.4 milyones pesos sa Northern Mindanao sa miaging semnana.
Gibutyag ni Police Regional Office 10 spokesperson Major Joann Navarro nga nakadakop usab sila 10 ka suspek nga gipaubos sa search warrant operations pinasikad sa pagpatuman sa Comprehensive Firearms and Ammunition Regulation Act ug Comprehensive Dangerous Drugs Act of 2002.
Siya miingon nga nakalusad usab ang ilang lower units sa dul-an 40 ka illegal drug buy-bust operations nga nag-resulta sa 42 ka dinakpan diin nabawian sa 455.268 gramos sa gitoohang shabu.
Gawas niini,42 ka personalidad usab ang nadakpan tungod sa gikasa nga anti-illegal gambling operations.
Mitapos si Navarro sa pag-ingon nga sa gihimo nila nga pagpatuman sa arrest warrants,anaa sa 76 ka pinangita sa balaod ang ilang nadakpan.
