CAGAYAN DE ORO CITY – Mag-atubang sa kasong pagsupak sa Comprehensive Dangerous Drugs Act of 2002 ang suspected bigtime shabu pusher nga si alyas Angko sa syudad sa Marawi,Lanao del Sur.
Kini human nadakpan sa buy bust operation si Angko diin nabawian sa daku-dako nga gramo sa gitoohang shabu nga adunay estimated market value nga 3.4 milyones pesos.
Subay sa impormasyon, nga taud-taod nang gipanid-an sa mga otoridad ang mga kalihukan sa dinakpan rason nga hingpit nadakpan sa operasyon sa Purok 4,Brgy Matampay,Marawi City.
Kasamtangang detinado ang suspek sa PDEA-BARMM samtang gihulatan ang hingpit pagdason sa kaso.
