CAGAYAN DE ORO CITY – Kasuhan sa kapolisan sa pagsupak sa Comprehensive Dangerous Drugs Act of 2002 ang high value target nga naglihok sa pagpakaylap sa ilegal nga droga sa Cagayan de Oro City ug Misamis Oriental.
Kini human unang nadakpan sa hiniusang operasyon sa City Drug Enforcement Unit sa Cagayan de Oro City Police Office ug Philippine Drug Enforcement Agency 10 ang 29 anyos nga batan-on nga si alyas Narding nga nanimuyo sa lungsod sa Opol,Misamis Oriental.
Nabawian sa mga otoridad ang suspek sa 560 gramos nga gitoohang shabu nga may balor 3.8 milyon pesos nga estimated street market value dihang gipaubos sa buy bust operation sa JR Borja Street,Brgy 40 ning syudad.
Nasuta sa kapolisan nga gapangunay pagkuha’g suplay ang suspek gikan sa Marawi City diin nagsilbi niya nga market area ug lakip na dinhi sa syudad ingon man lalawigan.
