CAGAYAN DE ORO CITY-Nabawi sa kapolisan ang balor P3 milyon nga mga armas ug mga bala gikan sa anak sa brgy kagawad sa Juanilla Village, Poblacion, Valencia City, Bukidnon.
Kini human gisilbi sa mga otoridad ang court search warrant batok sa suspe nga si Mervin Chan nga nagpuyo sa maong lugar.
Gibutyag ni PNP Drug Enforcement Group head C/I Jopet Paglinawan nga unang target nila ang gitoohang droga kang Chan apan nakurat sila sa ilang nakit-an nga daghang armas ug mga bala.
Namugos ang suspek nga iyang gamiton sa pag-depensa sa iyang kaugalingon ang mga armas apan wala kini napakita nga mga dokumento.
Kabahin sa mga armas nga nabawi ang M-16,M-14,punto 22 caliber revolvers ug libuang rounds sa mga bala.
Ipasaka sa kapolisan ang patung-patong nga kaso batok suspek sa piskalya sa Bukidnon sa adlaw’ng Martes.
