CAGAYAN DE ORO CITY-Kasuhan sa kapolisan sa pagbaligya’g gidiling droga ang drug pusher suspect nga nasikop sa kapolisan diha sa Sitio Lapaz 1,Brgy Lapasan sa dakbayan kagabii.
Giila ang dinakpan nga si Bolkiah Ala nga nagpuyo sa maong maong dapit.
Si Agora Police Station commander C/Insp Arnel Polo nga nakuha gikan kang Ala ang 50 gramos nga gitoohang shabu diin nagbalor 300-mil pesos.
Nasikop si Ala tungod sa gihimo nga anti-illegal drugs operation follow-up sa kapolisan.
Giangkon sa dinakpan nga ang suplay sa shabu nga iyang ibaligya ang giingong gikan sa Marawi City.
Detinado si Ala sa Maharlika Headquarters samtang gihulat ang pagduso’g kaso sa piskalya sa syudad ning adlawa.
