CAGAYAN DE ORO CITY-Misaka na sa P300-million ang natala nga damyos sa sektor sa agrikultura tungod sa epekto sa El Niño phenomenon sa Northern Mindanao.
Si Department of Agriculture o DA-10 regional director Carlene Collado miingon nga anaa na usab sa 5-mil ka mag-uuma ang apektado sa hulaw ilabina sa Bukidnon ug Misamis Oriental.
Sa assessment sa ahensiya, anaa sa P279-million ang damyos sa mais; P4-million sa mga utanon ug P8-million sa humayan.Maoy grabeng apektado sa hulaw ang Kibawe, Kadingilan, Sumilao, San Fernando, Quezon ug Malaybalay City sa Bukidnon samtang El Salvador City, Balingasag, Alubijid, Villanueva ug Misamis Oriental ug Cagayan de Oro City.
Samtang moabot na sa 3-mil ka mag-uuma sa rehiyon nga apektado sa hulaw ang nangayo’g ayuda sa Philippine Crop Insurance Corporation o PCIC.
Miingon si PCIC Manager Engr Luther Salting nga anaa sa 2-mil 783 sa maong ihap ang corn farmers samtang 320 ka mag-uuma sa humay ang nangayo’g ayuda sa ilang buhatan.
Dugang niini nga subject for validation usab sa ilang opisina nga mahataga’g hinabang ang 877 ka mag-uuma sa Bukidnon samtang 102 ka mag-uuma sa Misamis Oriental.
Una niini, anaa na sa P287-million ang damyos sa kamaisan ug humayan nga apektado sa El Niño phenomenon.
