CAGAYAN DE ORO CITY – Dili pa hunungan sa mga upat ka magbabalaod nga nagsumikad sa Misamis Oriental ug Cagayan de Oro City ang pagpalambo pa sa airport nga nahimutang sa lungsod sa Laguindingan ning lalawigan.
Kini bisan kon nagahinan na sa natl govt sa 32 bilyones pesos aron matukod ang mas gipaluag nga airport passenger terminal building alang sa mga mobiyahe nga mga pasahero gikan sa Northern Mindanao padulong sa kauluhan.
Namahayag si Misamis Oriental 2nd District Cong. Bambi Emano nga dako na kaayo’g tabang alang sa hamugaway nga pagsakay sa mga pasahero ang nasubhan nga pre-departure terminal expansion sa airport.
Siya miingon nga sunod nila nga target nga makakuha na usab sa pondo aron mahatagan sa katumanan ang pagsilbing international airport.
Kini tungod kay nagkahulugan sa mas grabe nga paglig-on sa turismo ug paspas nga kalihukan sa ekonomiya sa rehiyon.
Tungod sa maong gipaluag nga PTB,kaya na kining maka-akomodar sa 860 ka pasahero kada-adlaw gikan sa kanhi 316 lamang.
Mismo si CAAP Director General Captain Manuel Antonio Tamayo ang nag-representar kang Pres Bongbong Marcos nga tinambungan usab nila ni MisOr’s 1st District Cong. Christian Unabia,Governor Peter Unabia, Cagayan de Oro 2nd District Representative Congressman Rufus Rodriguez ug Laguindingan Municipal Mayor Diosdado Obsioma.
Hisayrang ang katumanan sa maong proyekto epekto sa mga paningkamot sa upat kongresista gikan ning syudad ug lalawigan didto sa kamarabaha sukad pa sa miaging tuig.
