CAGAYAN DE ORO CITY – Gikasubo sa hugpong ALU-TUCP Northern Mindanao nga hayan dili mahatag ang dugang 413 pesos nga gipangayo nila nga usbaw sa suhulan sa mga pribadong trabahante dinhi sa rehiyon.
Kini human masayri nga anaa lang sa 33 pesos nga umento ang gihatag sa wage board sa kauluhan sa ilang unang petisyon alang sa mga mamumu-o sa kauluhan.
Gibutyag ni ALU-TUCP Northern Mindanao Regional Vice Pres Atty Proculo Sarmen nga anaa sa kinaiya sa ubang regional wage board nga kon unsa ang gipatuman sa kauluhan,mao usab kini ang ilang sundon alang sa mga probinsya.Samtang angayang usbon na ang patakaran o gabayan nga gisunod sa wage board sa nasud.
Kini ang sugyot ni ALU-TUCP spokesperson Allan Tanjusay nunot sa sobra ka mubo mohatag sa usbaw kon mangayo ang mga mamumu-o.
Gibutyag ni Tanjusay nga angayang ipatuman na ang kausaban sa wage rationalization act kay dili na kini haom sa sobra ka mahal sa mga palaliton ning panahon.Una nang miduso’g sobra 400 pesos nga usbaw ang grupo sa RTWPB 10 apan kamulo ang pagdungog niini.
