CAGAYAN DE ORO CITY – Nadakpan sa hiniusang operasyon sa Philippine Drug Enforcement Agency 10 ingon man sa Regional Intelligence Unit 10 ug Puerto Police Station sa Philippine National Police ang duha suspected drug pushers sa Brgy Balubal ning syudad.
Miila si PDEA 10 regional director Atty. Benjamin Gaspi ang mga dinakpan nga sila alyas John-Johnm,27 anyos nga taga-Brgy Bugo ug Alias Bert, 43 anyos nga mismo taga-Brgy Balubal ning dakbayan.
Gibutyag ni Gaspi nga nabawi gikan sa mga dinakpan ang 50 gramos nga gitoohang shabu nga nagkantidad 340-mil pesos.
Kasuhan sa pagbaligya sa pagsupak sa Comprehensive Dangerous Drugs Act of 2002 sa piskalya ang mga dinakpan.
