CAGAYAN DE ORO CITY- Nabawi sa PNP Drug Enforcement Group gikan sa pamilyang Salic ang pito ka kilo nga suspected shabu diin may bana-bana nga balor nga 35-milyon pesos sa magkalahi nga brgy sa Marawi City,Lanao del Sur.
Kini human sunod-sunod nga gi-ronda sa kapolisan ang mga pinuy-anan sa magsoong pulos kanhi city mayor nga sila si Fajad ‘Pre’ Salic ug Omar Solitario Ali ingon man kang City Vice Mayor Arafat Salic.
Gibutyag ni PNP Drug Enforcement Group head Sr/Supt Graciano Mejares nga unang nakuha sa ilang team ang dos-kilos nga gitoohang shabu sa balay ni Solitario sa Brgy Bangon.
Nakuha usab sa mga pinuy-anan ni Pre Salic ug Arafat ang lima ka kilo nga shabu nga may kantidad 25 milyon pesos.
Gitakdang mohimo’g case conference si Mejares aron mahan-ay ang ipasaka nga kaso batok sa magsoon ug pag-umangkong Salic sa piskalya sa adlaw’ng Martes.
