CAGAYAN DE ORO CITY, Philippines – Gihikay na sa piskalya ang kasong pagpayuhot sa ilegal nga druga batok sa High Valued Individual (HVI) nga nasikop sa anti-drug buy bust operation sa Zone-3 Impalutao, Impasug-ong Bukidnon.
Giila ni Regional Drugs Enforcement Unit -10 Chief Police Lt. Col. Demver Vergara ang suspek nga si alyas Dodong, 31 anyos, walay trabaho ug residente sa Purok-3 Dangcagan Malaybalay City.
Sa gilusad nga joint operation sa Impasug-ong Municipal Police Station ug RDEU-10, nakuha sa posisyon sa suspek ang 7 ka dagkung pakete nga dunay sulod nga shabu.
Gibana-bana nga mubalor sa 374,000 pesos ang market value sa nakompiskar nga druga.
Narekober usab sa RDEU ang 1,000 pesos nga marked money.
Blangko pa ang mga otoridad kung kinsa ang supplier sa drug sa nadakpan nga drug courier.
