CAGAYAN DE ORO CITY-Kasuhan sa piskalya ang Taiwanese businessmen nga responsabli sa pag-operate sa mga warehouse diin nagbaton sa mga makina paghimo sa mga peke nga sigarilyo.
Kini human unang na-ronda sa joint CIDG-13-BIR-Manila ug MisOr PNP ang mga warehouse nga naghimo’g mga sigarilyo sa Tuburan,Poblacion,Villanueva,Misamis Oriental ug Brgy Cugman ning syudad.
Miingon si Villanueva Police Station commander Sr/Insp Dennis Ebsolo nga balor sa 380 milyon pesos ang mga makina gikan sa naronda nga mga warehouse.
Dugang ni Ebsolo nga wala pa kini naglakip sa laing mga makina ug assorted fake cigarettes nga nakuha sa warehouses sa Brgy Cugman ning syudad sa miaging semana.
Atubangon sa Taiwanese businessmen ang tax evasion, falsification of tax stamps, trademark infringement, unfair competition ug false designation of origin.
