Dili makabuhi sa pamilya ang dugang 25 pesos per day nga suhulan, sugod Enero 16, o 39 pesos matag adlaw sa pagka-Mayo, kung itande kini sa kamahal sa presyo sa batakang palaliton sa Northern Mindanao. Reaksiyon kini ni Employees Federation President Nick Borja sa interbyu sa BOMBO RADYO. Namahayag ang labor activist nga nalipay unta sila kay adunay increase pinaagi sa wage order no. 24, apan, nakurat sila sa kagamay sa umento. Subli, padayong ipalanog sa grupo ni Borja ang ilang tinguha nga “living wage” nga balor 1,200 pesos matag adlaw batok sa gipatuman sa DOLE ug RTWPB nga 500 PESOS minimium daily wage.
