Nasanta sa kapulisan ug militar ang ₱3.01 milyon nga kantidad sa mineral ores ug usa ka transport vehicle atol sa anti-illegal mining operation sa Brgy. Poblacion, Lugait, Misamis Oriental.
Nasiko ang suspek nga nailhan nga si “Ongco,” 28-anyos, residente sa Iligan City.
Siya nadakpan human mabaraw ang Isuzu Elf truck nga puno sa 171 ka sako nga mineral ores nga walay kaukulang dokumento.
Ang truck adunay market value nga ₱1.3 milyon samtang ang mga mineral ores gibanabana nga ₱1.71 milyon.
Ang suspek karon anaay kustodiya sa Lugait MPS ug pag-atubangon sa kaso ilawom sa Republic Act No. 7942 o Philippine Mining Act of 1995.
Ang mga nakumpiskar nga items gidala sa 2nd PMFC Headquarters sa Libertad alang sa safekeeping ug turnover sa Mines and Geosciences Bureau Region 10. Gipangulohan ni PBGEN Christopher N. Abrahano ang pagpasalamat sa mga operatiba ug nagpasidaan nga padayon ang PRO10 sa pagpakigbatok sa illegal mining aron maprotektahan ang kinaiyahan ug natural resources sa rehiyon.
