CAGAYAN DE ORO CITY – Manubag atubangan sa husgado ang tratado nga high value target nga dinakpan sa kasong pagsupak sa Comprehensive Dangerous Drugs Act of 2002 sa Lanao del Sur.
Kini human unang nadakpan ug gikasuhan sa Philippine Drug Enforcement Agency-BARMM ang dinakpan nga si Amenola Sabdullah,40 anyos nga taga-Brgy Tuboc,Malabang tungod sa nakuha nga 500 gramos sa gitoohang shabu atol sa operasyon.
Namahayag ang PDEA-BARMM gawas sa nabawi nga balor 4.3 milyones pesos nga gitoohang shabu,nakompiskar usab kuyog ang PNP ang ubang mga ebedensiya nga magamit sa pagdungog sa kaso batok sa suspek.
Gitugyan sa regular jail ang suspek gikan sa mini-cell sa PDEA-BARMM sa Cotabato City oras nga molugwa na’g commitment order ang korte kabahin sa kaso.
Nagdumili na paghatag komento ang suspek kabahin sa pasangil sa mga otoridad dihang milampos sila sa drug-buy bust operation sa bisinidad sa Brgy Bacayawan sa maong lungsod.
