CAGAYAN DE ORO CITY – Gihan-ay na sa kapolisan ang kasong pagsupak sa Dangerous Drugs Act of 2002 batok sa grupo ni Kumander Lomala Panggampong sa Brgy Batu-Bato,Maguing,Lanao del Sur.
Kini bisan kon nakaikyas ang maong grupo sa paglusob sa hiniusang puwersa sa PNP ug AFP aron pang-ibton ang 2-mil ka punuan sa marijuana sulod sa duha ka ektaryang luna nga nagbalor sa 4 milyon pesos.
Miingon si Lanao del Sur PNP spokesperson Lt Col Ajid Manalumpong nga padulong pa lang ang tropa sa lugar apan gilayon nang nakasibat ang grupo sa mga suspetsado.
Gilayong gisunog mismo sa lugar ang mga naibot nga marijuana aron dili na mapuslan sa mga adis-adis.
Sa miaging semana,may balor 10 milyon peso usab nga gitoohang shabu ang nabawi sa mga otoridad sa mismo gihapong lungsod.
