CAGAYAN DE ORO CITY – Natunol na sa gobyerno sa Amerika ang balor P4-million nga gitukod nga merkado alang sa mga biktima sa gubat sa Marawi City.
Base sa US Embassy, ang gipabarog nga merkado magsilbi kining climate resilient ug dili basta-basta nga mabahaan.
Namahayag ang U.S. Agency for International Development nga kombiniente gamiton ang maong merkado ilabina nga international standards ang pagdesinyo niini.
Gawas niini, gi-apud na sab sa mga naglangkod sa USAID ang mga ekepo nga makatabang sa mga negosyo.
