Gipang-apod-apod na sa Philippine National Police (PNP) ang kapin P4-milyon nga reward money ngadto sa 21-ka sibilyan nga nagsilbi isip “informants”.
Gipangulohan ni PNP Chief General Jose Melencio Nartatez Jr ang paghatag sa cash incentives nga nakatabang sa pagdakop sa maong mga kriminal.
Ang labing dako nga nakadawat sa ganti mao ang P1-milyon tungod sa impormasyon nga miresulta sa pagdakop sa usa ka wanted person nga nag-atubang sa 54-ka kaso sa terrorism financing, samtang adunay usa ka informant nga nakadawat sa P450,000 alang sa tabang sa mga kaso sa murder, kidnapping ug serious illegal detention.
Sumala pa ni Nartatez, dakong tabang kini nga lakang aron mas mapalig-on ang kapasidad sa kapulisan sa pag-resolba sa krimen sa lain-laing bahin sa nasud. (phillip ariata)
