CAGAYAN DE ORO CITY- Gibatikos sa militar ang pag-atake sa rebeldeng New People’s Army o NPA sa plantasyon sa kompanyang Del Monte Philippines Incorporated o DMPI sa Brgy Patpat,Malaybalay City,Bukidnon.
Kini human gisunog sa 15 ka NPA fighters ang kabtangan sa sub-contrator sa DMPI ug gibawia’g armas ang mga naka-duty nga sekyu.
Gibutyag ni AFP spokesperson Brig/Gen Restituto Padilla nga walay nahimo nga maayo ang mga rebelde sa kinabuhi sa tawo.
Samtang kasuhan sa kapolisan sa arson ang 15 ka rebeldeng New People’s Army o NPA pagsunog sa mga ekipo nga giingong balor P40 milyon nga iya sa kontraktor nga naka-kontrata sa kompanyang Del Monte Philippines Incorporated o DMPI sa Brgy Patpat,Malaybalay City,Bukidnon sa miaging gabii.
Kini tungod sa sabotahe nga gihimo sa mga rebelde sa minilyong balor sa maong mga ekipo.
Si PNP regional spokesperson Supt Lemuel Gonda miingon nga gikawat usab pag-apil sa misibat nga mga rebelde ang kalibre 38 nga armas ug 12 guage shotgun sa mga sekyu nga nagbantay sa plantasyon.
Anaa sa bana-bana nga P40 milyon ang damyos sa mga gisunog nga mga kagamitan sa plantasyon.
