CAGAYAN DE ORO CITY – Nabawi sa Bureau of Customs Intelligence and Investigation Service o BoC-CIIS ang laing smuggled imported cigarettes nga midunggo sa Mindanao Container Terminal o MCT sa Tagoloan,Misamis Oriental.
Kini human gipalusot na usab sa mga sindikato ang maong mga kontrabando gikan sa China aron mapakatag dinhi sa nasud.
Gibutyag ni MCT collector John Simon nga na-intercept ang balor 40 milyones pesos nga Chinese smuggled cigarettes tungod sa global database information ubos sa code-named Project Crocodile.
Midunggo ang barko nga sakay ang kontrabando sa MCT sa miaging semana ug gi-ablihan sa BoC.
Dugtong niini,gibutyag ni Simon nga gitakdang dugmukon na usab nila ang maong mga kontrabando sa oras nga matapos na ang gikinahanglang mga papeles.
