CAGAYAN DE ORO CITY – Nakompiskar sa City Drug Enforce Unit o CDEU ang dul-an P400,000 nga balor sa gitoohang shabu ug armas gikan usa ka pintor sa Ilaya, Brgy. Balulang ning syudad.
Gibutyag ni CDEU chief Maj Excylllo Alcantara nga maoy ilang nadakpan si Louie Cabanyez alyas Balong nga residente sa lugar.
Lakip sa nakompiskar sa posisyon sa suspek ang upat ka sachet sa gitoohang shabu nga mitimbang sa 53 gramos; usa ka libo nga buy bust money; usa ka revolver nga dunay lima ka bala sa 9mm ug laing napulo ka bala nga iya sa M-16 riffle.
Kasuhan sa pagsupak sa illegal drugs law ug illegal possession of fire arms ang suspek nga temporaryong balhog na ning panahona.
