CAGAYAN DE ORO CITY – Nakompiskar sa tropa sa City Drugs Enforcement Unit sa COCPO ang bana-bana nga 50 gramos sa gitoohang shabu nga dunay market estimated value nga 400-mil pesos gikan sa duha ka suspek diha sa Zone 4,Pasil,Brgy Kauswagan ning syudad.
Giila ni Master Sgt Ian Mañosa sa City Drugs Enforcement Unit ang target suspect nga si Mark Cris Sumaylo,29 anyos ug Mark Anthony Gayunan,23 anyos,pulos mga ulitawo nga nagpuyo sa Bry Gusa ning dakbayan.
Giangkon sa usa sa mga suspek nga tigamitan lamang kay aron ganahan manglaba samtang ang laing dinakpan ang nanghimakak nga namaligya niini.
Gitakdang kasuhan ang maong mga dinakpan sa pagbaligya sa ilegal nga droga sa piskalya ning syudad ning adlawa.
