CAGAYAN DE ORO CITY – Naka-kustodiya na sa Bureau of Customs -Iligan District ang balor 400-mil pesos nga inismagol nga sigarilyo nga unang nabawi sa 2nd Provincial Mobile Force Company dihang gisulaya’g palusot sa Purok 1,Brgy Bansarvil 1,Kapatagan,Lanao del Norte.
Gibutyag ni Lanao del Norte Police Provincial Office Director Col Roy Magsalay nga naharang ang mini-van nga kargado sa kontrabando epekto sa overlapping checkpoint operation rason nadakpan ang duha ka sakay niini nga pulos taga-Brgy Calibao,Sultan Naga Dimaporo.
Ang nahisgutang mga kontrabando ang gipangsulod sa sako’g bugas ug nasuta sa kapolisan nga walay igong mga dokumento rason nga gipangkompiskar.
Kini gilangkuban sa 6 ka kahon sa New Far Brand color white nga dunay 50 ka reams;3 master boxes sa New Far Brand color red nga 50 ka reams gihapon sa sigarilyo.
Kahon sa Fort White brand nga adunay 50 ka reams sa sigarilyo;sako sa nga gisudla’g 8 ka reams sa New Far Brand color red nga 10 ka packs sa smuggled cigarettes ang tanan anaa sa 406-mil pesos ang kantidad.
