CAGAYAN DE ORO CITY – Nakompiska sa mga awtoridad ang smuggled nga sigarilyo nga nagkantidad ug 400-mil pesos atol sa checkpoint operation sa Barangay Tagbak, Talakag, Bukidnon.
Gibutyag ni Police Regional Office 10 Director Brig Gen Jaysen de Guzman nga epekto kini sa walay hunong nga kampanya batok sa mga pagpalusot sa mga sindikato.
Sa gihimong pakisusi, nadiskobre ang 10 ka reams sa FORT nga sigarilyo nga gitoohang smuggled hinungdan sa pagkompiska sa mga kontranbado ug sakyanan.
Ang suspetsado gidala sa Talakag Police Station samtang ang nakumpiskang kargamento gitugyan sa Bureau of Customs sa Tagoloan, Misamis Oriental alang sa dugang aksyon epekto sa operasyon niadtong miaging Huwebes.(Bombo James Oliver).
