CAGAYAN DE ORO CITY – Gisunog sa PDEA-10 nga sinaksihan sa govt agency counterparts ang kinilo nga balor sa 44 milyon pesos nga shabu ug marijuana sa planta sa Holcim Cement diha sa Lugait,Misamis Oriental karong hapon lamang.
Kini sa tuyo nga dili na magamit pa ang maong mga gidiling droga nga resulta sa anti-illegal drugs operations sa PDEA gikan sa lima ka probinsya sa rehiyon.
Miingon si PDEA regional director Wilkins Villanueva nga anaa sa upat ka kilo nga shabu,dul-ag 40 kilo sa pinauga nga dahon sa marijuana ug pipila ka gramos usab sa ecstasy ang gisunog gamit ang kagamitan sa maong planta.
Dugang ni Villanueva nga ang maong mga ilegal nga droga ang nahukman sa korte isip ebedensiya batok sa mga akusado nga unang nangadakpan sa ilang mga operasyon sa miaging katuigan
