CAGAYAN DE ORO CITY – Nakabawi sa laing higayon sa balor 450-mil pesos nga balor sa gitoohang inismagol nga sigarilyo ang tropa sa Police Regional Office 10 sa gilusad nga checkpoint operation sa Bauyan Regional Border Control Point sa Brgy Bauyan,Sultan Naga Dimaporo,Lanao del Norte.
Sigun ni PRO 10 spokesperson Major Joann Navarro nga maoy milusad sa operasyon ang 1005th Maneuver Company,Regional Mobile Force Battalion 10 sa koordinasyon sa SND Police Station ug Lanao del Norte Police Provincial Office aron mapasayon ang pagsakote sa sakyanan nga kargado sa kontrabando.
Nasignit usab sa tropa ang nagmaneho sa sakyanan nga si alyas Eping,market laborer nga nagpuyo sa Brgy Buenavista,Pagadian City,Zamboanga del Sur.
Walay napresentar nga mga papeles ang dinakpan sa pagsitar kaniya hinungdang gisusi ang karga niini ug nakit-an ang klase-klaseng mga sigarilyo.
Namasangil ang dinakpan nga ang maong kontrabando gikan pa sa lungsod sa Tikong,Lanao del Sur ug tinguha ibaligya sa SND,Lanao del Norte.
Naka-kustodiya na sa kapolisan ang dinakpan samtang ang kontrabando ang itugyan sa Bureau of Customs-Iligan City alang sa disposisyon.
Hisayrang gitakdang mag-atubang sa tukmang kaso ang maong dinakpan sanglit nakuha gikan kaniya ang kontrabando haom sa Customs Modernizations Law.
