CAGAYAN DE ORO CITY, Philippines – Giyukbuan ni Presidente Ferdinand Marcos Jr ang tanan pampubliko ug pribadong magtutudlo, alayon sa culmination activity sa usa ka bulan nga Teacher’s Day Celebration sa Department of Education sa Smart Araneta Coliseum, Quezon City.
Kagahapon, gipalanog sa presidente ang iyang pagtimbaya sa iyang inahan nga si kanhi First Lady Imelda Marcos ug ang iyang kapikas nga si First Lady Lisa Araneta, kinsa nagsilbing mga magtutudlo sa taas nga panahon.
Lakip sa pahalipay nga dala sa presidente ang pagprima sa Implementing Rules and Regulations alang sa Executive Order No. 174 mga muhatag sa daghang oportunidad sa mga magtutudlo alang sa ilang piliong career advancement ug professional development.
Gisaad sa presidente nga wala nay magtutudlo nga mu-retire sa ranggo nga Teacher 1, tungod kay ihatag sa gobyerno ang tanan tabang aron musaka ang ilang ranggo.
Gawas niini, gihatagan sa gobyerno ang tanan magtutudlo sa duha ka opsyon sa pagpalambo sa ilang karera.
Usa niini mao ang Classroom Teaching (CT) Career Line ug ang School Administration (SA) Career Line.
Gawas niini, ning tuiga naka-andam na ang tag 5000 pesos – tax-free teaching allowance, ug lauman nga madoble kini sa sunod tuig.
Gipalanog sa presidente nga pirmado na ang balaod alang sa usbaw sa suhulan sa tanan mamumuo sa gobyerno nga gilakipan sa 862,000 public school teachers, ug dugang 7000 pesos alang sa medical allowance.
