CAGAYAN DE ORO CITY – Nagsaka pa sa 57 ka balay ang kumpirmadong nasunog diin gipuy-an sa 225 ka indibidwal diha sa 12th-28th Streets,Brgy Nazareth ning syudad.
Kini subay sa pinal nga assessment sa City Social Welfare and Development o CSWD sa mga biktima sa nasunugan sa maong dapit.
Miingon si Eugene Magto,head sa disaster risk sa CSWD nga natala usab sa singko punto dos milyones pesos ang damyos sa personal nga kabtangan sa mga biktima.
Iduso usab nila ang assessment report sa city hall aron mahatagan sa ayudang pinsanyal ang mga biktima sa trahedya.
Gihimakak sa CSWD nga dunay mga residente nga samaron atol sa maong sunog.
