CAGAYAN DE ORO CITY – Mitala sa P5.7 milyones pesos nga gitoohang ilegal nga shabu ang nabawi gikan sa 135 ka suspek nga nadakpan sa magkalahi nga paglusad sa 102 ka operations sa lower units sa kapolisan sa rehiyon.
Gibutyag ni Police Regional Office 10 spokesperson Maj Joann Navarro nga nabawi gikan sa suspected pushers ang sobra 840 gramos nga shabu ug laing 1.3 gramos usab nga marijuana nga balor 5.7 milyones pesos.
Gawas sa mga suspected pushers, naaresot usab ang 41 ka personalida nga nalambigit sa ilegal nga pasugal.
Nadakpan na usab sa maong mga operasyon ang 133 personalidad diin 20 kanila ang pulos most wanted persons.
Napasayon ang pagdakop sa mga personalidad nunot sa gipalig-on nga anti-criminality campaign sa PNP sa rehiyon.
Hisayrang 294 ka tawo ang nadakpan diin ang uban kanila nakahimo usab sa laing mga pagsupak sa balaod sa miaging semana.
