Paslak na sa prisohan ang usa ka gitoohang “big time drug peddler” human nadakpan sa mga operatiba, didto sa Brgy. Sihayon, Tagoloan, Misamis Oriental.
Nasakmit sa kapulisan ang balor P5.78 milyon nga street value sa shabu human nila madakpi ang suspek nga si alyas “Jane,” 55 anyos, minyo, walay trabaho, ug residente sa maong barangay.
Ang operasyon gipangulohan sa RPDEU-10 uban sa Tagoloan Municipal Police Station, PDEA Misamis Oriental, RIU-10, ug PDEG SOU-10, pinaagi sa Search Warrant No. SWA-071525.
Nakumpiskar sulod sa balay sa suspek ang sobra 850 gramos crystaline substance nga gituohang shabu, uban sa ang mga drug paraphernalias.
Kini ang unang higayon nga nadakpan ang suspek, nga giingong gapamaligya sa sa Tagoloan, mga kasikbit nga lungsod, ug sa Cagayan de Oro City.
Gikustodiya na sa RPDEU-10 ang suspek, ug sa adlaw’ng Lunes, gitakda kining dad-on sa piskalya aron ipasak ang kasong paglapas sa Sec. 11, Article II sa Republic Act No. 9165 o mas naila isip Dangerous Drugs Act of 2002.
