CAGAYAN DE ORO CITY-Nasunog ang tulo ka balay-patigayon nga naglakop sa construction marketing,convenience store ug kan-an sa Zone 2,Brgy Cugman sa syudad.
Kini human unang gitumbok ni BFP ground commander Fire Insp Willy Tan nga nagsugod ang pag-ulbo sa kalayo sa Ladao RM eatery ug gilayong mikatag sa Lord’s Convenience Store ug Aizan Marketing sa maong lugar.
Miingon si Tan nga gisuta pa nila ang hinungdan sa sunog hinungdan nga mobalik si FO2 Jesriel Lazaga sa fire scene ning adlawa.
Gikompirmar usab ni Tan nga dunay usa ka residente nga naangol kay natungod sa kabilya atol sa maong sunog.Anaa sa estimated 100 thousand pesos ang structural damage sa hitabo kagabii.
Samtang daw halos nablangko ang huna-huna sa tag-iya nga lakip hurot pagkasunog ang iyang construction marketing sa Zone 2,Brgy Cugman ning syudad kagabii.
Kini human gibutyag sa tag-iya sa Aizan Marketing nga si Fernan Gaabon nga anaa sa 5 milyon pesos ang damyos sa pagkasunog sa construction materials ug iyan duha ka mahalong sakyanan.
Miingon si Gaabon nga tigumon niini ang iyang mga empleyado aron masabutan ang sunod nga lakang gumikan sa hitabo.Hinoon,pulos luwas ang mga trabahante ni Gaabon mismo pag-ulbo sa kalayo kagabii.
