CAGAYAN DE ORO CITY – Nadakpan sa Police Regional Office 10 o PRO-10 ang 148 ka indibidwal, 72 niini ang nakuhaan sa 649.375 gramos nga gitoohang shabu nga nagkantidad sa kapin 4-milyones pesos.
Kini atol sa gihimong mga operasyon sa lower units sa PRO 10 batok sa nagkadaiyang kriminalidad nga natigayon dinhi sa rehiyon ning bulana.
Namahayag si PRO 10 regional director Brig Gen Jaysen De Guzman nga gawas niiini,anaa 26 ka sugarol ang nadakpan ug nakuhaan sa kapin 7-mil pesos nga gambling items.
Nangadakpan usab ang 46 ka wanted persons nga lakip na ang 12 ka most wanted persons ,ug 31 ka armas nga nakumpiskar.
Anaa sa 16 ka armas ang boluntaryong gisurender sa 400 ka house visitations.
Dugang usa ka milyones pesos nga smuggled nga sigarilyo ang nasakmit usab sa duha ka semana nga operasyon.
Sa katibuk-an kapin 5-milyones nga ilegal nga butang ang ang nakumpiska sa kapulisan gikan Pebrero 27 hangtod Marso 5, 2025. (Bombo James Oliver).
