CAGAYAN DE ORO CITY- Gi-alerto karon sa committee on trade and commerce sa konseho ang publiko kabahin sa laing online investment scam nga naglihok sa syudad.
Kini human midangop kang Kag George Goking ang investor aron magpatabang kaniya nga mauli ang iyang 5 milyon pesos nga nabubo sa grupong Marfox.
Miingon si Goking nga gilayon sila mohimo’g imbestigasyon sa maong suspected scam aron mahatagan sa katin-awan ang tinud-anay nga kalihukan sa grupo.
Gitakdang himoon ang hearing kuyog ang investors ug ang gi-reklamo nga kompanya kuyog ang govt regulatory bodies sa legislative building sa syudad sunod semana.
Tug-an pa ni Goking nga napadala na nila ang imbitasyon sa maong grupo ug sa mga ahensiya sa gobyerno nga may gahom kabahin sa isyu.
