Mipasidaan ang Department of Energy (DOE) sa transportation sector nga posibleng musaka pa sa tag-singko pesos ang pag-usbaw sa kada litro sa lana kung musamot ang gubat sa Iran ug Israel.
Namahayag si DOE- Oil Industry Management Bureau Assistant Director Rodela Romero nga kinahanglan mupatuman sa tawhanong usbaw ang mga kompanya sa lana ug dili bultuhon aron dili makalitan sa bug-at nga singil ang mga depampasaherong driver ug motorista.
Gibana-bana sa DOE nga mabati ang sunod nga pagsaka sa presyo sa produktong petrolyo sa umalabot Hunyo 24.
Hinoon, aduna nay nakitang remedyo ang Department of Transportation (DOTr) sa posibleng dangatan sa mga commuters sa musunod nga adlaw.
Lakip niini ang 50% ng diskwento sa pletihan sa mga magtutungha nga musakay sa MRT-3, LRT-1, ug LRT-2.
Namugos si Dizon nga dili nila mapugngan nga mangayo sa transport sector sa piso hangtud 5 pesos nga usbaw sa pletihan busa gi-unhan na nila’g sulbad ang posibleng suliran nga pas-anon sa mga magtungha.
Ang katunga nga diskwento sa pletihan gisugdan kagahapon adlawa didto sa kauluhan.
