CAGAYAN DE ORO CITY – Gidugmok sa Bureau of Customs Cagayan de Oro ang balor 50 milyones pesos nga peke nga mga sigarilyo nga gikan sa China gamit ang road roller ug backhoe sa Terra Cycliq Corporation sa Brgy Mantibugao,Manolo Fortich,Bukidnon.
Kini human nasupak sa consignee nga Denian Dry Goods Trading Customs Modernization and Tariff Act sa dihang gipatoo nga office furnitures ang sakay sa container vans nga midunggo sa Mindanao Container Terminal sa Misamis Oriental sa miaging Setyembre 2020.
Miingon si BoC-10 spokesperson Angelo Andrade nga nahukman usab kini nga gun-ubon aron dili na magamit ug mabaligya ngadto sa mga tawo.
Mismo si Customs collector Atty Elvira Cruz ug uban nila nga opisyales ang nangulo sa pagdugmok sa 85-mil ka reams sa lain-laing brands sama sa Two Moon; Mighty,Marvel ug Royal sa maong lugar.
