Walay labot sa bag-ong wage increase ang rehiyon sa Northern Mindanao human napagawas ang bag-ong wage order nga 50 pesos nga increase sa suhulan sa bulan sa Hunyo ning tuiga.
Apan gitin-aw ni Atty Proculo Sarmen, Regional Vice President sa Associated Labor Unions (ALU)-TUCP Northern Mindanao, ug Senior Counsel sa Seno Mendoza & Associates, usa ka law firm nga nagserbisyo sa mga labor-related concerns, nga nahatagan na daan ang rehiyon niadtong Enero 12, 2025 sa 23 pesos wage increase, ug dugang 12 pesos kada adlaw nga usbaw alang sa agricultural workers niadtong Hulyo 1, 2025, busa musumada na sa 35 pesos matag adlaw ang usbaw sa suhulan sa rehiyon.
Miingon si Atty Sarmen nga arang-arang nalang ang 50 pesos kada adlaw inay walay madawatan nga umento sa suhulan taliwala sa gipangayo nga 200 across the board wage hike sa mga magbabalaod sa kamarabaha.
Wala gipakilid ni Sarmen ang iyang pagsaway nga tipik lang kadto sa political gimmick sa mga magbabalaod kay duol naman ang piliay busa gipalanog nilag ang tag 200 pesos per day wage hike, nga wala dawata sa Senado.
Sa kasamtangan, ang minimum wage sa mga dagkong siyudad sa rehiyon sama sa Cagayan de Oro ug Iligan naa sa ₱461 kada adlaw, apan ang TUCP nag-awhag sa Regional Tripartite Wages and Productivity Board (RTWPB) nga usabon ang wage order aron makatubag sa tinuod nga panginahanglan sa mga trabahante.
