CAGAYAN DE ORO CITY-Isaka na sa sulod sa city jail ang usa ka suspected drug pusher nga nakuhaa’g 100 gramo sa shabu diha sa Macabalan Oro Port sa syudad sa miaging gabii.
Kini human nakasuhan na sa PDEA-10 ang suspek nga si John Eric Montejo,29 anyos,ulitawo ug nagpuyo sa Brgy Patag sa syudad.
Gibutyag ni PDEA agent Ben Calibre nga positibo nga shabu ang nakuha sa suspek diin may gibana-bana nga nagbalor sa 500-mil pesos.
Una nang gihimakak sa suspek nga siya ang tag-iya sa shabu nga nakuha kaniya nga laraw dad-on unta niini gikan sa syudad padulong didto sa Cebu City.
