CAGAYAN DE ORO CITY – Naka-kustodiya sa kapolisan ang duha ka dinakpan sa pagpalusot sa gitoohang inismagol nga sigarilyo dihang naharang sa Brgy Campong,Pantar,Lanao del Norte.
Sa gihuptang impormasyon ni Police Regional Office 10 Director Brig Gen Jaysen De Guzman nga maoy nadakpan sa tropa sa 1005th Mobile Company sila Tom,31 anyos nga taga-Zamboanga City ug alyas Ben,28 anyos nga gikan pa sa Patikul,Sulu nga misulay palusot sa balor 568-mil pesos nga sigarilyo nga sakay sa van pasulod sa Picong,Lanao del Sur.
Siya miingon nga mag-atubang sa tukmang kasong criminal ang maong mga dinakpan.
Samtang gitugyan na sa Bureau of Customs ang mga nabawi nga sigarilyo alang sa imbentaryo.
Sa miaging semana,laing mga sigarilyo ang nakompiskar sa mga otoridad diin usa ka pulis ang usa sa mga nadakpan sa maong probinsya.
