CAGAYAN DE ORO CITY-Gikalipay ni Pres Rodrigo Duterte ang katukuran sa balor 500 milyon pesos nga rehab facility sa Brgy Casisang,Malaybalay City,Bukidnon.
Kini human panguluhi ni Duterte ang pag-inagurar niini saksi ang mga opisyal ug donors sa maong pasilidad.
Miingon si Duterte nga daghan ang matabangan sa maong pasilidad hinungdan nga dili tiaw ang pagpasalamat niini ngadto sa pamilyang Zubiri ug ubang grupo alang sa maong katuyuan.
May kapas maka-akomodar ang maong pasilidad sa 500 ngadto 800 ka tawo alang sa maong katuyuan.
Samtang wala palabya ni Duterte ang pagpasalamat kang Sen Migz Zubiri sa pagpasar sa Bangsamoro Organic Law o BOL alang sa Mindanao.
Miingon si Duterte nga manghinaut kini nga mapatuman na sa dali nga panahon ang maong balaod diin nagtumong sa kahusay’g kalinaw ilabina sa Bangsamoro region.
Gibatikos usab ni Duterte ang katig-a sa CPP-NPA-NDF nga makig-negosyar alang sa peace talks sa nasud.
