Gisugdan na’g apud ang P5000 nga cash ayuda alang sa 139,000 drayber sa kauluhan.
Kini ang gi-anunsyo ni Presidente Ferdinand Marcos Jr., dungan sa pagpagawas sa abiso sa Department of Transportation (DOTr) nga aprobaho na ang girekomendar sa Land Transportation Regulatory and Franchising Board nga dugang piso ug dos pesos nga singil sa regular nga pletihan sa mga depampasaherong ug modernized jeep sugod Marso 16, kagahapon.
Sa iyang pagbisita sa Metro Manila, gisaksihan ni Marcos ang taas nga linya sa mga traysikel drayber nga nangayo’g ayuda gikan sa 17 ka managlahing lokasyon sa syudad.
Gawas niini, gi-anunsyo usab ni Marcos nga sa musunod nga adlaw, makadawat usab sa ilang kaugalingong ayuda ang mga jeepney ug TNVS (transport network vehicle services) sa balor P5,000.
Gitin-aw sa presidente nga dili kini fuel subsidy, apan cash relief assistance. Una nang gipasalig sa presidente nga gisertipikahan na niya isip “urgent bill” ang pagkunhod sa excise tax sa tanan petroleum products kuyog ang pag-amendar sa Biofuels Act aron makapalit ang katawhan sa mas barato nga bioethanol.
Alang usa sa mga sumasakay, adunay usab gipatuman nga Libreng Sakay ang gobyerno sa Metro Manila, Metro Cebu ug Metro Davao ubos sa Libreng Sakay Program.
